სერგეი რიაბკოვი: მსოფლიოში „სარმატის“ ანალოგი არ არსებობს
„მსოფლიოში „სარმატის“ ანალოგი არ არსებობს, ამიტომ რეკლამას არ საჭიროებს“, - აცხადებს რუსეთის საგარეო საქმეთა მინისტრის მოადგილე სერგეი რიაბკოვი სარაკეტო კომპლექსს „სარმატის“ შესახებ დასმული კითხვის საპასუხოდ.
„მსგავსი სტრატეგიული სიშორის კომპლექსები დღესდღეობით არავის გააჩნია“, - აღნიშნა რიაბკოვმა და დასძინა, რომ „რუსეთის თავდაცვის სამინისტროს მიერ გამოქვეყნებული „სარმატის“ გაშვების კადრები თავისთავად მეტყველებს ყველაფერზე“.
The Reuters-ის ცნობით, რუსეთში ახალი საკონტინენტთაშორისო რაკეტა „სარმატი“ გამოცადეს.
რუსეთის ხელისუფლების განცხადებით, რაკეტა საცდელად ქვეყნის ჩრდილო-დასავლეთიდან გაუშვეს და ქვეყნის ჩრდილო-აღმოსავლეთში სამიზნე წარმატებით გაანადგურა.
ინფორმაციისთვის, რუსეთის პრეზიდენტმა ვლადიმერ პუტინმა განაცხადა, რომ „სარმატი“ ყველაზე ძლიერი რაკეტაა, რომელსაც ნებისმიერი სისტემის გარღვევა შეუძლია.
