საფრანგეთის საგარეო საქმეთა მინისტრის ჟან-ნოელ ბაროს განცხადებით, თუ ირანის ბირთვულ პროგრამაზე მოლაპარაკებები ჩავარდება, „სამხედრო კონფრონტაცია“ პრაქტიკულად გარდაუვალი იქნება.

„ჩავარდნის შემთხვევაში სამხედრო კონფრონტაცია, როგორც ჩანს, თითქმის გარდაუვალი იქნება“, - აღნიშნა მან.

დასავლეთის სახელმწიფოები აცხადებენ, რომ ირანის ბირთვული პროგრამა ატომური ბომბის შექმნის შენიღბულ მცდელობას წარმოადგენს.

„შესაძლებლობების ფანჯარა ვიწროა. სულ რამდენიმე თვე გვაქვს, ვიდრე 2015 წლის ბირთვული შეთანხმების ვადა ამოიწურება. წარუმატებლობის შემთხვევაში სამხედრო კონფრონტაცია, თითქმის გარდაუვალი იქნება“, - განაცხადა საფრანგეთის საგარეო საქმეთა მინისტრმა.

როგორც საფრანგეთის საგარეო საქმეთა მინისტრმა აღნიშნა, მიზანია ისეთი შეთანხმების მიღწევა, რომელიც იქნება გადამოწმებადი და გრძელვადიანად შეზღუდავს ირანის ბირთვულ პროგრამას.

„ირანს არასოდეს უნდა ჰქონდეს ბირთვული იარაღი“, - განაცხადა მან.