საქართველოში ნატოს სამეკავშირეო ოფისი ხელმძღვანელი: ნატოს თანამშრომლობა სამხრეთ კავკასიის ქვეყნებთან ემყარება საჭიროებებზე დაფუძნებულ პოლიტიკას, ყველა სახელმწიფოს უფლებაა, თავად განსაზღვროს საშინაო და საგარეო პოლიტიკა
საქართველოში ნატოს სამეკავშირეო ოფისი ხელმძღვანელის ალექსანდერ ვინიკოვის განცხადებით, ალიანსის თანამშრომლობა სამხრეთ კავკასიის სამივე ქვეყანასთან ემყარება საჭიროებებზე დაფუძნებული პოლიტიკის პრინციპს.
მისი თქმით, ყველა სახელმწიფოს აქვს უფლება, თავისუფლად და გარე ჩარევის გარეშე განსაზღვროს თავისი საშინაო და საგარეო პოლიტიკა.
ვინიკოვმა აღნიშნა, რომ ნატო მხოლოდ იმდენად არის ჩართული, რამდენადაც ამას პარტნიორები მოითხოვენ, და მოკავშირეები გადაწყვეტენ.
მისი განმარტებით, ალიანსი ყოველდღიურად არ კარნახობს არანაირი საშუალებით და არ აიძულებს თანამშრომლობას.
„ჩვენ ყურადღებით ვუსმენთ ჩვენი პარტნიორების მხარდაჭერის თხოვნებს და პარტნიორობისა და თანამშრომლობითი უსაფრთხოების სულისკვეთებით ვცდილობთ მაქსიმალურად ეფექტურად ვუპასუხოთ იმ სფეროებს, რომლებიც აკმაყოფილებს ჩვენი პარტნიორების საჭიროებებს და სადაც ნატოს შეუძლია ღირებულების დამატება.
ჩვენ მტკიცედ გვჯერა, რომ სამხრეთ კავკასიაში ჩვენს პარტნიორებთან თანამშრომლობას მნიშვნელოვანი წვლილი შეაქვს ჩვენს საერთო სამეზობლოში და, უფრო ფართოდ, ტრანსატლანტიკურ სივრცეში უსაფრთხოებისა და სტაბილურობის უზრუნველყოფის მხრივ“, - აღნიშნა ვინიკოვმა აზერბაიჯანულ მედიასთან საუბრისას.
