1769325789
უცხოეთი
რუსულმა ძალებმა გასულ ღამეს უკრაინას 100-ზე მეტი დრონით და რაკეტებით შეუტიეს
უკრაინის საჰაერო ძალების ცნობით, გასულ ღამეს რუსულმა ძალებმა უკრაინას „ისკანდერ-M“ ტიპის ბალისტიკური რაკეტით, „С-300“ ტიპის საზენიტო მართვადი რაკეტით და 102 დრონით შეუტიეს.
როგორც უკრაინის საჰაერო ძალებში აცხადებენ, 70 დრონი „შაჰედის“ ტიპის იყო.
„დილის 8:30 საათის მონაცემებით, საჰაერო თავდაცვის ძალებმა ქვეყნის ჩრდილოეთით, სამხრეთით, ცენტრში და აღმოსავლეთით ჩამოაგდეს მტრის 87 უპილოტო საფრენი აპარატი „შაჰედი“, „გერბერა“ და სხვა. მტრის ორი რაკეტის შესახებ ინფორმაცია დაზუსტდება“, - აცხადებენ უკრაინის საჰაერო ძალებში.
