რუსეთის მხრიდან ევროკავშირის და ჩრდილოატლანტიკური ალიანსის წევრ სახელმწიფოზე თავდასხმა სავსებით რეალისტური სცენარია. ამის შესახებ პოლონეთის საგარეო საქმეთა მინისტრმა რადოსლავ სიკორსკიმ უკრაინის აღდგენის კონფერენციაზე განაცხადა.

„თუ მსოფლიოს ვარშავიდან შევხედავთ, ჩრდილოეთით 200 კილომეტრში რუსული ანკლავი კალინინგრადი მდებარეობს. იქ განთავსებულია 100 ბირთვული ქობინი, რომლებსაც რუსები ინახავენ. ამას გარდა, ახლოს არის ბელარუსი. ეს იმას ნიშნავს, რომ ევროკავშირზე თავდასხმა სრულებით მოსალოდნელია“, - განაცხადა რადოსლავ სიკორსკი.

მანვე აღნიშნა, რომ რუსები პერიოდულად, არღვევენ პოლონეთის საჰაერო სივრცეს, როდესაც თავიანთ რაკეტებს უკრაინის დასაბომბად უშვებენ.

„პერიოდულად, ისინი შემთხვევით შემოდიან ჩვენს საჰაერო სივრცეში. ეს პოლონეთის დასავლეთ ნაწილშიც კი ხდება. ეს ძალიან ახლო მანძილია და საფრთხე იმაზე მეტია, ვიდრე ზოგიერთ ადამიანს ჰგონია“, - ამბობს პოლონეთის საგარეო საქმეთა მინისტრი.

"Russia has been trying to colonise Ukraine for 300 years."

Poland's foreign minister Radosław Sikorski says that Russia's war in Ukraine is "cultural genocide at the very least" and that "the danger is much bigger than some people think." pic.twitter.com/sN7oF8ViLC

— Channel 4 News (@Channel4News) June 11, 2024