აშშ-ის სახელმწიფო მდივნის მარკო რუბიოს თქმით, საფრანგეთის განცხადებამ, აღიაროს პალესტინის სახელმწიფო, ისრაელსა და „ჰამასს“ შორის მძევლების გათავისუფლებისა და ცეცხლის შეწყვეტის შესახებ მოლაპარაკებების ჩაშლა გამოიწვია და პალესტინის ტერორისტულ დაჯგუფება გაამხნევა. 

„ჰამასთან“ მოლაპარაკებები იმ დღეს ჩაიშალა, როდესაც [საფრანგეთის პრეზიდენტმა ემანუელ] მაკრონმა მიიღო ცალმხრივი გადაწყვეტილება, აღიაროს პალესტინის სახელმწიფო“, - განაცხადა რუბიომ Catholic Eternal Word Television Network-თან ინტერვიუში.

„შემდეგ კი სხვა ადამიანები გამოდიან წინ, სხვა ქვეყნები ამბობენ: „თუ სექტემბრამდე ცეცხლის შეწყვეტა არ იქნება, ჩვენ პალესტინის სახელმწიფოს ვაღიარებთ“. მე რომ „ჰამასი“ ვიყო, ფაქტობრივად, დავასკვნიდი, რომ, მოდით, ნუ შევათანხმებთ ცეცხლის შეწყვეტას, შეიძლება ჯილდო მივიღოთ, შეგვიძლია, ეს გამარჯვებად ჩავთვალოთ“, - აღნიშნა რუბიომ.

„ამგვარად, ამ გზავნილებმა, მიუხედავად იმისა, რომ მათი აზრით, დიდწილად სიმბოლურია, სინამდვილეში გაართულა მშვიდობის დამყარება და „ჰამასთან“ შეთანხმების მიღწევა“, - დაასკვნა აშშ-ის სახელმწიფო მდივანმა.

"Talks with Hamas fell apart on the day Macron made the unilateral decision that he’s going to recognize the Palestinian state ... So those messages, while largely symbolic in their minds, actually have made it harder to get peace and harder to achieve a deal with Hamas. " —… pic.twitter.com/Xt74bu7umF

— Department of State (@StateDept) August 8, 2025