ევროკომისარმა აჯა ლაბიბიმ განაცხადა, რომ ევროკავშირი არ არის მზად, გადადგას უპრეცედენტო ნაბიჯი და უკრაინისთვის მასშტაბური სესხის გასაცემად, რუსეთის 140 მილიარდი ევროს ოდენობის გაყინული აქტივების კონფისკაცია მოახდინოს.

ლაბიბის თქმით, ჯერ კიდევ ბევრი სამუშაოა საჭირო იმის უზრუნველსაყოფად, რომ იურიდიული რისკები მაქსიმალურად შემცირდეს და სამართლიანად გადანაწილდეს ბელგიას, ევროკავშირის დანარჩენ 26 ქვეყანასა და G7-ს შორისაც კი.

„ჩვენ მზად არ ვართ. ეს უპრეცედენტოა. ეს პირველი შემთხვევაა, როდესაც ამას ვაკეთებთ, ამიტომაც ისეთ ტერიტორიაზე ვიმყოფებით, რომელიც ძალიან ფრთხილად უნდა გამოვიკვლიოთ, რათა ყველა პოტენციურ შედეგს გავუმკლავდეთ“, - აღნიშნა მან.

ეს აქტივები, მისი თქმით, რუსეთის ცენტრალურ ბანკს ეკუთვნის და საერთაშორისო სამართლით არის დაცული, რაც აუცილებლად უნდა იყოს დაცული.

„ბელგია, ისევე როგორც სხვა წევრი ქვეყნები, აცნობიერებენ, რომ წინ ფრთხილად უნდა წავიდეთ“, - განაცხადა ლაბიბიმ.