შეერთებულ შტატებს მხოლოდ იმის დაზუსტებით თქმა შეუძლია, რომ მან ირანის უზარმაზარი სარაკეტო არსენალის დაახლოებით მესამედი გაანადგურა. ინფორმაციას „როიტერი“ ამერიკულ დაზვერვასთან დაახლოებულ ხუთ წყაროზე დაყრდნობით ავრცელებს.

„კიდევ ერთი მესამედის სტატუსი ნაკლებად გარკვეულია, თუმცა დაბომბვებმა, სავარაუდოდ, დააზიანა, გაანადგურა ან მიწისქვეშა გვირაბებსა და ბუნკერებში მოიყოლა ეს რაკეტები“ - აცხადებენ წყაროები ანონიმურობის დაცვით.

ერთ-ერთი წყაროს თქმით, დაზვერვის მონაცემები ირანის დრონების შესაძლებლობების შესახებაც ანალოგიურია. მისი თქმით, არსებობს გარკვეული ხარისხის რწმუნებულება იმისა, რომ მათი დაახლოებით მესამედი განადგურებულია.

შეფასება, რომელიც აქამდე არ გამოქვეყნებულა, აჩვენებს, რომ მიუხედავად იმისა, რომ ირანის რაკეტების უმეტესობა ან განადგურებულია, ან მიუწვდომელია, თეირანს კვლავ აქვს რაკეტების მნიშვნელოვანი მარაგი და შესაძლოა, საბრძოლო მოქმედებების შეწყვეტის შემდეგ, მან შეძლოს ზოგიერთი დამარხული ან დაზიანებული რაკეტის აღდგენა.

დაზვერვის მონაცემები ეწინააღმდეგება აშშ-ის პრეზიდენტ დონალდ ტრამპის გუშინდელ საჯარო განცხადებას, რომ ირანს „ძალიან ცოტა რაკეტა დარჩა“.