1757519356
უცხოეთი
პოლონეთის საჰაერო სივრცეში რუსული დრონების შეჭრის შემდეგ ტრამპი კაროლ ნავროცკისთან საუბარს გეგმავს
პოლონეთის საჰაერო სივრცეში რუსული დრონების შეჭრის შემდეგ აშშ-ის პრეზიდენტი დონალდ ტრამპი თავის პოლონელ კოლეგა კაროლ ნავროცკისთან საუბარს გეგმავს.
როგორც თეთრ სახლში აცხადებენ, აშშ-სა და პოლონეთის პრეზიდენტებს შორის საუბარი 10 სექტემბერს გაიმართება, თუმცა სხვა დეტალები არ დაუკონკრეტებიათ.
„პრეზიდენტი ტრამპი და თეთრი სახლი პოლონეთიდან მიღებულ ანგარიშებს აკვირდებიან. პრეზიდენტი ტრამპი დღეს პრეზიდენტ ნავროცკისთან საუბარს გეგმავს“, - აცხადებენ თეთრ სახლში.
შეგახსენებთ, 10 სექტემბერს ღამით რუსეთის მიერ უკრაინაზე განხორციელებული მასშტაბური თავდასხმის დროს პოლონეთის საჰაერო სივრცე რამდენიმე დრონმა დაარღვია, რომლებიც ჩამოაგდეს.
