დონალდ ტრამპის ადმინისტრაციის წარმომადგენლებმა მოკავშირეების გაფრთხილება დაიწყეს, რომ უახლოეს თვეებში, შესაძლოა, უკრაინისთვის ამერიკული იარაღის მიწოდება შეწყდეს, რადგან პენტაგონი მათ ირანთან ომისთვის გამოყენებას პრიორიტეტს ანიჭებს. იუწყება Politico. 

„აშშ-ის სახელმწიფო დეპარტამენტმა მოკავშირეებს აცნობა, რომ საბრძოლო მასალის, განსაკუთრებით Patriot-ის საჰაერო თავდაცვის სისტემის რაკეტების მიწოდება, შესაძლოა, შეფერხდეს“, - განაცხადა საკითხთან დაკავშირებულმა სამმა ევროპელმა ოფიციალურმა პირმა.

ოფიციალური პირების ცნობით, აშშ-ის სახელმწიფო მდივანი მარკო რუბიო ამ საკითხის მოკავშირეებთან ერთად  პარიზში დაგეგმილ „დიდი შვიდეულის“ საგარეო საქმეთა მინისტრების შეხვედრაზე წამოწევას გეგმავს.

ერთ-ერთი ევროპელი მაღალჩინოსნის თქმით, სულ მცირე, რამდენიმე მოკავშირემ აშშ-ისგან „მიიღო გარანტია“, რომ ამ ეტაპზე ინიციატივა PURL-ის (უკრაინის პრიორიტეტული მოთხოვნების სია) ფარგლებში განკუთვნილი შეიარაღების გადამისამართება არ მომხდარა.