პიტ ჰეგსეტი: ირანის ბირთვული ამბიციები განადგურებულია
პენტაგონის ხელმძღვანელი პიტ ჰეგსეტი აცხადებს, რომ ირანის ბირთვული ამბიციები განადგურებულია.
ჰეგსეტმა პრესკონფერენციაზე ირანის 3 ბირთვულ ობიექტზე შეერთებული შტატების საჰაერო იერიშს „წარმოუდგენელი„ და „უდიდესი წარმატება“ უწოდა.
ამასთან, მისივე განცხადებით,შეერთებული შტატების დარტყმები კონცენტრირებული, ძლიერი და მკაფიო იყო.
გარდა ამისა, პენტაგონის ხელმძღვანელმა თქვა, რომ აშშ-ის იერიში მხოლოდ ბირთვულ ობიექტებს ეხებოდა და არა ირანელ ჯარისკაცებს ან მშვიდობიან მოსახლეობას.
„გუშინ ღამით, პრეზიდენტ ტრამპის ბრძანებით, აშშ-ის ცენტრალურმა სარდლობამ შუაღამისას ირანში სამ ბირთვულ ობიექტზე ზუსტი დარტყმა განახორციელა.
ეს წარმოუდგენელი და უდიდესი წარმატება იყო. ჩვენი მთავარსარდლისგან მიღებული ბრძანება იყო მიზანმიმართული, ძლიერი და ნათელი. ჩვენ ირანის ბირთვული პროგრამა გავანადგურეთ“, - განაცხადა პიტ ჰეგსეტმა.
