ევროკომისიის პრეზიდენტი ურსულა ფონ დერ ლაიენი მიიჩნევს, რომ ევროკავშირმა უნდა იზრუნოს სავაჭრო შეთანხმებების გაფორმებაზე ისეთ ქვეყნებთან, როგორიცაა ინდოეთი, რათა შეამციროს დამოკიდებულება. ამის შესახებ მან გერმანელ ბიზნესლიდერებთან კონფერენციაზე განაცხადა, იუწყება Reuters-ი. 

ფონ დერ ლაიენი მიიჩნევს, რომ ევროკავშირმა დამოკიდებულების შესამცირებლად სავაჭრო შეთანხმებები უნდა დადოს ისეთ ქვეყნებთან, როგორიცაა ინდოეთი, რადგან აშშ-ის იმპორტზე მზარდი ტარიფები ევროკავშირს ურთიერთობების დივერსიფიკაციისკენ უბიძგებს.

„ჩვენ გვსურს ინდოეთთან შეთანხმების დადება წელს“, - განაცხადა მან.

ევროკომისიის პრეზიდენტმა ხაზგასმით აღნიშნა, რომ ინდოეთის პრემიერ-მინისტრმა ნარენდრა მოდიმ 17 სექტემბერს სატელეფონო საუბრის დროს იგი ამ მიზნისადმი ერთგულებაში დაარწმუნა.

„ჩვენ მოლაპარაკებებს ვაწარმოებთ სამხრეთ აფრიკასთან, მალაიზიასთან, არაბთა გაერთიანებულ საამიროებთან და სხვა ქვეყნებთან“, - დასძინა მან.