ფინეთის პრეზიდენტმა ალექსანდრ სტუბმა განაცხადა, რომ რუსეთის ლიდერმა ვლადიმერ პუტინმა „სტრატეგიულად წააგო“ და უკრაინა ომს მოიგებს.

„რჩევის მოცემას არ ვაპირებ, მაგრამ მჯერა, რომ ამ ომს მოიგებთ - და ამას იმიტომ ვამბობ, რომ პუტინმა სტრატეგიულად წააგო“, - განუცხადა ფინეთის პრეზიდენტმა უკრაინელ ჟურნალისტს.

კერძოდ, მან აღნიშნა, რომ პუტინს სურდა უკრაინა რუსეთის ნაწილი გამხდარიყო, მაგრამ უკრაინა პირიქით, უფრო ევროპული გახდა. მას სურდა ნატოს გაფართოების თავიდან აცილება და ახლა მას ფინეთი და შვედეთი შეუერთდნენ.

გარდა ამისა, სტუბმა ხაზგასმით აღნიშნა, რომ პუტინს სურდა ევროკავშირის ქვეყნების სამხედრო ხარჯები შემცირებულიყო და ის 5%-მდე გაიზარდა.

„მოსკოვი სამხედრო თვალსაზრისით აგებს: როდესაც ომი 12 წლის წინ დაიწყო, რუსეთმა უკრაინის ტერიტორიის დაახლოებით 12% დაიკავა. მას შემდეგ კიდევ 8%. ბოლო ორი წლის განმავლობაში – 1%. გარდა ამისა, უკრაინამ 34 000 რუსი ჯარისკაცი მოკლა, რომელთა ჩანაცვლებაც მათ ვერ შეძლეს. განაგრძეთ იმის კეთება, რასაც აკეთებთ და საბოლოოდ გადალახავთ და მოიგებთ ამ ომს“, - განაცხადა ფინეთის პრეზიდენტმა.