1788789167
უცხოეთი
ომანი აცხადებს, რომ ირანის მიერ თავდასხმის შედეგად დაზიანებული ტანკერიდან ეკიპაჟის 16 წევრის ევაკუაცია განახორციელა
ომანი აცხადებს, რომ საუდის არაბეთის საკუთრებაში არსებული ტანკერ Sidr-დან ეკიპაჟის 16 წევრი ევაკუირებულია მას შემდეგ, რაც მასზე ირანმა თავდასხმა განახორციელა, - ამის შესახებ ომანის საზღვაო უსაფრთხოების ცენტრმა განაცხადა.
Sidr ერთ-ერთი იყო იმ ორი ტანკერიდან, რომლებიც გასულ ორშაბათს ჰორმუზის სრუტეში თავდასხმის შედეგად დაზიანდა.
საუდის არაბეთის განცხადებით, ტანკერზე თავდასხმის შედეგად ორი ფილიპინელი მეზღვაური დაიღუპა. გემზე სულ 25 ეკიპაჟის წევრი იმყოფებოდა. ომანმა 16 მათგანი გემიდან გამოიყვანა და საჭირო სამედიცინო დახმარება აღმოუჩინა. დანარჩენი 7 ადამიანის მდგომარეობა ამ ეტაპზე გაურკვეველია.
