1757707039
უცხოეთი
ნეპალის პრეზიდენტმა პარლამენტი დაითხოვა - ახალი არჩევნები 2026 წლის 5 მარტს ჩატარდება
ნეპალის პრეზიდენტმა რამჩანდრა პაუდელიმ პარლამენტი დაითხოვა.
მედიის ცნობით, ახალი არჩევნები 2026 წლის 5 მარტს ჩატარდება.
პრეზიდენტმა წარმომადგენელთა პალატის დათხოვნის განკარგულება მას შემდეგ გასცა, რაც ქვეყნის დროებით პრემიერ-მინისტრად ყოფილი მთავარი მოსამართლე სუშილა კარკი დაინიშნა.
სუშილა კარკი ნეპალის ერთადერთი ქალი მთავარი მოსამართლე იყო. ის აღნიშნულ თანამდებობას დაახლოებით ერთი წლის განმავლობაში, 2016-2017 წლებში იკავებდა. დემონსტრანტებმა ნეპალის დროებით პრემიერ-მინისტრის პოსტზე კირკის კანდიდატურა სოციალურ ქსელ Discord-ში ხმის მიცემის გზით აარჩიეს.
