მუსულმანი ქალების ტანსაცმელში გადაცმული ებრაელი სპეცრაზმელები საავადმყოფოში შეიპარნენ და პალესტინელი „ბოევიკები“ მოკლეს
მუსულმანი ქალების და საავადმყოფოს პერსონალის ტანსაცმელში გადაცმული ისრაელის სპეცრაზმის წარმომადგენლები ქალაქ ჯენინის საავადმყოფოში შეიპარნენ და პალესტინელი „ბოევიკები“ მოკლეს. ამის შესახებ „ევრონიუსი“ იუწყება.
ისრაელის თავდაცვის ძალების ინფორმაციით, ლიკვიდირებული „ბოევიკები“ ტერორისტულ თავდასხმებს გეგმავდნენ. სპეცოპერაცია მდინარე იორდანეს დასავლეთ ნაპირზე მდებარე ქალაქ ჯენინში, იბნ-სინას საავადმყოფოში ჩატარდა.
ისრაელის მხარის ინფორმაციით, „ბოევიკები“ „ჰამასის“ წევრები იყვნენ და ისინი იბნ-სინას საავადმყოფოს შეხვედრებისთვის და ტერაქტების დასაგეგმად იყენებდნენ.
პალესტინური ადმინისტრაციის ინფორმაციით, რომელიც იორდანეს დასავლეთ ნაპირს აკონტროლებს, ღაზას სექტორი ომის დაწყებიდან ებრაელმა სამხედროებმა 370 ადამიანი მოკლეს და 6 ათასზე მეტი დააპატიმრეს.
