სრულიად შესაძლებელია უკრაინაში ომის მოგვარება და იქ მდგრადი მშვიდობის მიღწევა მომდევნო 90 დღის განმავლობაში,- ამის შესახებ ნატოში აშშ-ის ელჩმა მეთიუ უიტაკერმა განაცხადა.

უიტეკერმა აღნიშნა, რომ მოლაპარაკებების ამჟამინდელ ეტაპზე, თეთრი სახლის დახმარებით, სამშვიდობო შეთანხმების დადება შესაძლებელია „მომდევნო 90 დღის განმავლობაში“.

ამავდროულად, ელჩმა აღიარა, რომ მიუხედავად იმისა, რომ უკრაინა რუსეთის თავდასხმებს განიცდის ენერგეტიკულ სექტორზე, რუსები არანაკლებ დანაკარგს განიცდიან უკრაინული დარტყმებისგან - მათი თქმით, სწორედ ამიტომ უნდა დასრულდეს ომი.

მისი თქმით, აშშ-ის პრეზიდენტს, დონალდ ტრამპს სწორი მიდგომა აქვს, რადგან მას მკვლელობების დასრულება სურს.

თუ ამას მივაღწევთ, მაშინ ეს მომდევნო 90 დღის განმავლობაში მოხდება. ვფიქრობ, საკამათო საკითხების უმეტესობა მოვაგვარეთ. ვფიქრობ, ახლა ახლოს ვართ ისე, როგორც არასდროს. თუმცა, არის საკითხები, რომლებიც ჯერ კიდევ უნდა გადაწყდეს, რათა მხარეებმა შეთანხმებას მიაღწიონ.

ვფიქრობ, პრეზიდენტი ტრამპი ვარაუდობს, რომ მკვლელობები უნდა შეწყდეს. ეს უაზრობაა. ეს ოთხი წელია გრძელდება. სტრატეგიული უპირატესობის მოპოვებას ვერავინ ახერხებს. მკვლელობები და ნგრევა უნდა დასრულდეს“, - განაცხადა მეთიუ უიტაკერმა.

უიტეკერმა დასძინა, რომ ვაშინგტონს მტკიცედ აქვს გადაწყვეტილი, ზეწოლა მოახდინოს ორივე მხარეზე - უკრაინასა და რუსეთზე - მიზნის მისაღწევად და მშვიდობის დასამყარებლად, რაზეც ვაშინგტონი აგრძელებს მუშაობას.