მერცი: უკრაინის დასაფინანსებლად გაყინული რუსული აქტივების გამოყენების შესახებ შეთანხმების მიღწევის შანსები 50-50-ზეა
გერმანიის კანცლერი ფრიდრიხ მერცი მიიჩნევს, რომ ევროპაში უკრაინისთვის რუსული აქტივებიდან რეპარაციის სესხის გამოყოფის შესახებ შეთანხმების მიღწევის ალბათობა ამჟამად „50/50“-ზეა.
მერცის თქმით, ასეთი გადაწყვეტილების მიღება აუცილებელია, რადგან უკრაინას დაფინანსება მინიმუმ კიდევ ორი წლის განმავლობაში დასჭირდება.
„მთელ ევროპაში არსებობს ეჭვები და მე კარგად მესმის ეს ეჭვები, მაგრამ თუ ახლა არ ვიმოქმედებთ და არ მივიღებთ გადაწყვეტილებას, რომელიც შეგვიძლია მივიღოთ რუსული არმიის ამ წინსვლის შესაჩერებლად, როდის გავაკეთებთ ამას?“ - ხაზგასმით აღნიშნა გერმანიის კანცლერმა.
მან ასევე აღნიშნა, რომ აშშ-ის ეროვნული უსაფრთხოების ახალ სტრატეგიაში ევროპის მიმართ მკაცრი ტონით არ გაკვირვებულა, რადგან ის ასახავს აშშ-ის ვიცე-პრეზიდენტ ჯეი დი ვენსის მიერ წელს მიუნხენის უსაფრთხოების კონფერენციაზე გამოთქმულ კრიტიკას.
ამავდროულად, გერმანიის კანცლერმა იმედი გამოთქვა, რომ აშშ-ის იზოლაციონისტური განწყობა დიდხანს არ გაგრძელდება და ვაშინგტონი საბოლოოდ დაუბრუნდება ევროპელ პარტნიორებთან უფრო მჭიდრო თანამშრომლობას.
