გერმანიის კანცლერის ფრიდრიხ მერცის განცხადებით, შეერთებული შტატებისა და ევროპის მიერ უკრაინისთვის მიცემული უსაფრთხოების გარანტიების თანახმად, რომელმაც ცეცხლის შეწყვეტის შემდგომ უნდა იმოქმედოს, მშვიდობისმყოფელებს, გარკვეულ ვითარებაში, რუსული ძალების მოგერიება შეეძლებათ.

როდესაც ჟურნალისტებმა ბერლინში უკრაინის პრეზიდენტ ვოლოდიმირ ზელენსკისთან მოლაპარაკებების დროს შეერთებული შტატების მიერ შეთავაზებული შესაძლო უსაფრთხოების გარანტიების შესახებ ჰკითხეს, მერცმა უპასუხა, რომ გარანტები ვალდებულნი იქნებიან, ცეცხლის შეწყვეტის პირობების ნებისმიერი დარღვევის შემთხვევაში რუსული ძალები მოიგერიონ.

„ჩვენ უზრუნველვყოფთ დემილიტარიზებულ ზონას მეომარ მხარეებს შორის და, უფრო კონკრეტულად რომ ვთქვათ, ასევე ვიმოქმედებ რუსეთის შესაბამისი შემოჭრისა და თავდასხმების წინააღმდეგ. ჯერ აქამდე არ მივსულვართ.

ის ფაქტი, რომ ამერიკელებმა აიღეს ასეთი ვალდებულება - დაიცვან უკრაინა ცეცხლის შეწყვეტის შემთხვევაში, ნატოს ტერიტორიის მსგავსად - ვფიქრობ, რომ ეს აშშ-ისთვის შესანიშნავი ახალი პოზიციაა“, - აღნიშნა მერცმა.