1761127395
უცხოეთი
მელონი: რუსული აქტივების გამოყენება საერთაშორისო სამართლის შესაბამისად უნდა მოხდეს
იტალიის პრემიერ-მინისტრმა ჯორჯია მელონიმ განაცხადა, რომ ევროკავშირი განიხილავს შესაძლო ინიციატივებს, რომლებიც ეხება უკრაინის დასახმარებლად რუსული გაყინული აქტივების გამოყენებას, თუმცა ნებისმიერი ნაბიჯი, რომელიც გადაიდგმება, უნდა შეესაბამებოდეს საერთაშორისო სამართალს.
მელონიმ ხაზგასმით აღნიშნა, რომ იტალია ერთადერთი არ არის, ვინც მიიჩნევს, რომ გაყინული რუსული აქტივების უკრაინის დასახმარებლად გამოყენება „საერთაშორისო წესებისა და კანონიერების პრინციპის პატივისცემით უნდა წარიმართოს“.
„ჩვენ უნდა დავიცვათ ჩვენი ეკონომიკების, ევროზონის ფინანსური და მონეტარული სტაბილურობა და უზრუნველვყოთ ნებისმიერი ზომები, რომლებიც შეიძლება იქნეს მიღებული“, - განაცხადა იტალიის პრემიერ-მინისტრმა.
