აშშ-ის პრეზიდენტი დონალდ ტრამპი აცხადებს, რომ ისრაელის პრემიერ-მინისტრ ბენიამინ ნეთანიაჰუს მისთვის არ უთხოვია, არჩევნების წინ კიდევ ერთხელ გამოეხატა მხარდაჭერა.

ტრამპმა ნეთანიაჰუს მხარდამჭერი კიდევ ერთი განცხადება კვირას გამოაქვეყნა. ეს მოხდა რამდენიმე საათის შემდეგ, რაც საინფორმაციო ვებგვერდმა Axios-მა გაავრცელა ინფორმაცია, რომ ისრაელის პრემიერ-მინისტრის ოფისი თეთრ სახლზე ზეწოლას ახდენდა, რათა ტრამპს მხარდაჭერა ხელახლა დაეფიქსირებინა.

კითხვაზე, შეესაბამებოდა თუ არა ეს ინფორმაცია სიმართლეს, ტრამპმა ჟურნალისტებს უპასუხა: „არა, მე მასთან ამის შესახებ არასდროს მისაუბრია“.

„ვფიქრობ, მან პრემიერ-მინისტრის პოსტზე ძალიან კარგი სამუშაო გასწია, მიუხედავად იმისა, რომ უკიდურესად რთულ პირობებში უწევდა მუშაობა“, - დასძინა ტრამპმა.

Trump on Netanyahu: Netanyahu has done a very good job as prime minister under very trying conditions. https://t.co/gpgdwg7gIM

— Clash Report (@clashreport) October 26, 2026