1761976628
უცხოეთი
მარკო რუბიოს განცხადებით, ინფორმაცია, რომლის თანახმადაც, აშშ თითქოს ვენესუელის დაბომბვისთვის ემზადება, სისულელეა
აშშ-ის სახელმწიფო მდივნის მარკო რუბიოს განცხადებით, ინფორმაცია, რომლის თანახმადაც, შეერთებული შტატები თითქოსდა ვენესუელის სამხედრო ობიექტების დაბომბვისთვის ემზადება, სიცრუეა. აღნიშნულის შესახებ რუბიო პლატფორმა X-ზე წერს.
ამერიკულმა გამოცემა Miami Herald-მა მანამდე გაავრცელა ინფორმაცია, რომ აშშ-ის პრეზიდენტის დონალდ ტრამპის ადმინისტრაციამ ვენესუელაში სამხედრო ობიექტებზე შეტევის გადაწყვეტილება მიიღო და დარტყმები შეიძლება ნებისმიერ მომენტში განხორციელდეს.
„თქვენი „წყაროები“, რომლებიც ამტკიცებენ, რომ „სიტუაციას იცნობენ“, გატყუებენ და გაიძულეს ტყუილზე აგებული სტატია დაგეწერათ“, - აცხადებს რუბიო.
Your “sources” claiming to have “knowledge of the situation” tricked you into writing a fake story https://t.co/YCIVkZaTiz
— Marco Rubio (@marcorubio) October 31, 2025
