მარკო რუბიო: აშშ რჩება ნატოში
აშშ-ის სახელმწიფო მდივანმა მარკო რუბიომ განაცხადა, რომ აშშ დარჩება ნატოში. თუმცა, ისინი მოითხოვენ ნატოს ყველა ქვეყანამ გაზარდოს სამხედრო ხარჯები მშპ-ს 5%-მდე.
„აშშ ნატოშია და აქტიურია ისე, როგორც არასდროს. ჩვენ ნატოში ვრჩებით, ეს მან ნათლად განაცხადა“, - აღნიშნა მარკო რუბიომ.
მისი თქმით, აშშ-ს სურს, რომ ნატო „უფრო ძლიერი და სიცოცხლისუნარიანი იყოს, რომელიც ეროვნულ უსაფრთხოებაში უფრო მეტ ინვესტიციას განახორციელებს“.
„ტრამპი ნატოს წინააღმდეგი არ არის. ის ისეთი ნატოს წინააღმდეგია, რომელსაც არ გააჩნია ის შესაძლებლობები, რაც საჭიროა იმ ვალდებულებების შესასრულებლად, რომლებსაც წევრ სახელმწიფოებს ხელშეკრულება აკისრებს. არავის აქვს იმის მოლოდინი, რომ თქვენ ამის გაკეთებას ერთ ან ორ წელიწადში შეძლებთ, მაგრამ ამის მისაღწევი გზა რეალური უნდა იყოს“, - აღნიშნა აშშ-ის სახელმწიფო მდივანმა.
