საფრანგეთის პრეზიდენტმა ემანუელ მაკრონმა განაცხადა, რომ საფრანგეთი შეძლებს ევროპელი მოკავშირეებისთვის სტრატეგიული ბირთვული შემაკავებელი რესურსების მიწოდებას, რათა ისინი „გარემოებების შესაბამისად განათავსონ“.

ამ კონტექსტში მან ახსენა გერმანია, დიდი ბრიტანეთი - კონტინენტზე ერთადერთი სხვა ქვეყანა, რომელსაც ბირთვული ძალები აქვს - ასევე, ნიდერლანდები და პოლონეთი.

„თანამშრომლობა ერთობლივი წვრთნებით დაიწყება“, - განმარტა მაკრონმა.

საფრანგეთის პრეზიდენტმა ასევე განაცხადა, რომ მზად არის, „გაფართოებული ბირთვული შეკავების“ გზას დაადგეს, რაც „ევროპულ განზომილებას“ მოიცავს. თუმცა მან ხაზგასმით აღნიშნა, რომ „საბოლოო გადაწყვეტილება ერთობლივი არ იქნება“; ის „ყოველთვის“ სახელმწიფოს მეთაურის ხელში დარჩება.

ამასთან, მაკრონმა აღნიშნა, რომ რვა ევროპული ქვეყანა „დათანხმდა“ საფრანგეთის მიერ შეთავაზებულ „გაფართოებულ შეკავებაში“ მონაწილეობას. ესენი არიან: დიდი ბრიტანეთი, გერმანია, პოლონეთი, ნიდერლანდები, ბელგია, საბერძნეთი, შვედეთი და დანია.

მაკრონმა ასევე განაცხადა, რომ საფრანგეთი ბირთვული ქობინების რაოდენობას გაზრდის.