მოლდოვის პრეზიდენტი მაია სანდუ კიევში რუსეთის საჰაერო იერიშს გამოეხმაურა, რა დროსაც 4 ადამიანი დაიღუპა და 19 დაშავდა. 

სანდუს შეფასებით, ომი ევროპას უახლოვდება და ყველას უქმნის საფრთხეს. 

სანდუს განცხადებით, მოლდოვა მკაცრად გმობს რუსეთის მიერ უკრაინის წინააღმდეგ „ორეშნიკის“ რაკეტის გამოყენებას, რომელმაც ენერგეტიკული ინფრასტრუქტურა და საცხოვრებელი შენობები დააზიანა.

„ეს ტერორისტული თავდასხმა უკრაინისა და მისი პარტნიორების დაშინებას ისახავს მიზნად. ეს ომი ევროპას უახლოვდება და საფრთხეს უქმნის ყველას. ჩვენ სოლიდარობას ვუცხადებთ უკრაინას“, - წერს სანდუ პლატფორმა X-ზე. 

We firmly condemn Russia’s launch of an Oreshnik missile against Ukraine—hitting energy infrastructure and civilian homes.
This act of terror aims to intimidate Ukraine and its partners. This war is moving closer to Europe and is a danger to us all. We stand united with Ukraine.

— Maia Sandu (@sandumaiamd) January 9, 2026