ლუკაშენკომ პირობა დადო, რომ ჩრდილოეთ კორეასთან თანამშრომლობას გააფართოებს - Reuters
![](https://newshub.ge/uploads/files/2023/03/31/74405/aleksandre-lukashenko_w_h.jpeg)
ბელარუსის პრეზიდენტმა ალექსანდრე ლუკაშენკომ ჩრდილოეთ კორეის ლიდერ კიმ ჩენ ინისთვის გაგზავნილ შეტყობინებაში პირობა დადო, რომ ფხენიანთან თანამშრომლობას გააფართოებს. ამის შესახებ Reuters-ი ჩრდილოეთ კორეის საგარეო უწყების განცხადებაზე დაყრდნობით წერს.
„ვადასტურებ, რომ ვიმუშავებ ჩრდილოეთ კორეასთან თანამშრომლობის კიდევ უფრო მეტად გაფართოებაზე, რათა ის სავსე იყოს ახალი შინაარსითა და საერთო პროგრამებით, რომლებიც უზრუნველყოფს საერთო სარგებელს ჩვენი ქვეყნების ხალხების კეთილდღეობის გაუმჯობესების მიზნით“, - ციტირებს სამინისტრო ლუკაშენკოს განცხადებას.
განცხადებაში აღნიშნულია, რომ ეს შეტყობინება ბელარუსის ეროვნულ დღესთან დაკავშირებით ფხენიანის მილოცვაზე პასუხი იყო.
ჩრდილოეთ კორეის სახელმწიფო მედია იტყობინება, რომ ბელარუსის საგარეო საქმეთა მინისტრი ამ კვირაში ჩრდილოეთ კორეაში ჩავიდა და მთავრობის მაღალჩინოსნებს შეხვდა. ჩრდილოეთ კორეის საგარეო საქმეთა მინისტრმა ბელარუსელ კოლეგასთან ორ ქვეყანას შორის „ურთიერთობების ყოვლისმომცველ გაღრმავებაზე“ ისაუბრა.