პოლონეთის პრეზიდენტმა კაროლ ნავროცკიმ განაცხადა, რომ ამერიკელ კოლეგა დონალდ ტრამპთან „შესანიშნავ ურთიერთობას“ ინარჩუნებს. ამის შესახებ მან აშშ-ში პოლონურ დიასპორასთან შეხვედრისას ისაუბრა.

„მინდოდა დამერწმუნებინეთ, რომ როგორც პოლონეთის რესპუბლიკის პრეზიდენტი, რომელიც ასეთ შესანიშნავ ურთიერთობას ინარჩუნებს შეერთებული შტატების პრეზიდენტთან, მრავალი საათის განმავლობაში განიხილავს საკითხებს პრეზიდენტ ტრამპთან, ვიცე-პრეზიდენტ ჯეი დი ვენსთან, შეერთებული შტატების ყოველდღიურ ცხოვრებაზე პასუხისმგებელ მინისტრებთან, ამერიკულ ბიზნესებთან - ბოლოს და ბოლოს, ასეთი შეხვედრები და ურთიერთობები ბევრია - პოლონეთი ყოველთვის შეერთებული შტატების სამაგალითო მოკავშირეა“, - აღნიშნა ნავროცკიმ.

ნავროცკი შეერთებულ შტატებში 13 ივნისს ჩავიდა. ვიზიტის ფარგლებში მან მონაწილეობა მიიღო აშშ-ის დამოუკიდებლობის დეკლარაციის ხელმოწერის 250-ე წლისთავისა და ტრამპის 80-ე დაბადების დღისადმი მიძღვნილ ღონისძიებებში.