კალასი უკრაინის კორუფციულ სკანდალს „უკიდურესად სამწუხაროს“ უწოდებს და აღნიშნავს, რომ მნიშვნელოვანია, კიევმა ეს სერიოზულად მიიღოს
უკრაინის ენერგეტიკულ სექტორში კორუფციული სკანდალი „უკიდურესად სამწუხაროა“ და მნიშვნელოვანია, რომ კიევმა ეს სერიოზულად მიიღოს, - განაცხადა ევროკავშირის საგარეო პოლიტიკის ხელმძღვანელმა კაია კალასმა Reuters-თან ინტერვიუში.
„კორუფციისთვის ადგილი არ არის, განსაკუთრებით ახლა. ვგულისხმობ, რომ ეს, ფაქტობრივად, ხალხის ფულია, რომელიც ფრონტის ხაზზე უნდა წავიდეს“, - განაცხადა კალასმა კანადაში „დიდი შვიდეულის“ საგარეო საქმეთა მინისტრების შეხვედრის ფარგლებში.
„ვფიქრობ, ძალიან მნიშვნელოვანია, რომ მათ ძალიან სწრაფად იმოქმედონ და ამას ძალიან სერიოზულად მოეკიდონ“, - დასძინა მან, საქმის გამოძიებასა და დამნაშავეების პასუხისგებაში მიცემაზე მითითებით.
უკრაინის პრეზიდენტმა ვოლოდიმირ ზელენსკიმ 12 ნოემბერს ორი მინისტრის თანამდებობიდან გათავისუფლება მოითხოვა, რაც, სავარაუდოდ, 100 მილიონი დოლარის კორუფციული სქემის გამოძიებას უკავშირდება.
