ევროპის საგარეო პოლიტიკის ხელმძღვანელმა კაია კალასმა განაცხადა, რომ რუსეთის მიერ წარმოებული ყველაზე დიდი საფრთხე ის არის, რომ ის მოლაპარაკებების მაგიდასთან მეტს აღწევს, ვიდრე ბრძოლის ველზე.

ევროკავშირის უმაღლესმა დიპლომატმა აღნიშნა, რომ რუსეთი ძლივს გასცდა 2014 წლის ფრონტის ხაზებს, და ფასი? 1.2 მილიონი მსხვერპლი.

„დღეს რუსეთი დანგრეულია, მისი ეკონომიკა ნანგრევებად არის ქცეული, ის მოწყვეტილია ევროპის ენერგეტიკულ ბაზრებს და საკუთარი მოქალაქეები გარბიან. სინამდვილეში, ყველაზე დიდი საფრთხე, რომელსაც რუსეთი ამჟამად წარმოადგენს, არის ის, რომ მოლაპარაკებების მაგიდასთან ის მეტს იღებს, ვიდრე ბრძოლის ველზე მიაღწია“, - აცხადებს კალასი.

ევროკავშირის საგარეო პოლიტიკის ხელმძღვანელმა, ასევე, აღნიშნა, რომ მნიშვნელოვანია არა იმდენად მოლაპარაკებების მაგიდასთან ადგილის დაკავება, რამდენადაც მნიშვნელოვანია იმის გაგება, თუ რაზე უნდა აწარმოოთ მოლაპარაკებები.

„ჩვენი აზრით, ყველაფერი ძალიან მარტივია: რუსეთის მაქსიმალისტური მოთხოვნების დაკმაყოფილება მინიმალისტური რეაგირებით არ შეიძლება. დაფიქრდით. თუ უკრაინის სამხედრო ძალები უნდა შეიზღუდოს ზომით, რუსეთისაც უნდა შეზღუდოს. რუსეთმა უკრაინისთვის მიყენებული ზიანი უნდა გადაიხადოს“, - აღნიშნა მან.