ევროკავშირი კიდევ ექვსი თვით ძალაში ტოვებს რუსეთის წინააღმდეგ დაწესებულ სანქციებს, რომლებიც უკრაინაში სრულმასშტაბიანი სამხედრო შეჭრის გამო დაწესდა. ამის შესახებ ევროკავშირის დიპლომატიის ხელმძღვანელმა კაია კალასმა სოციალურ ქსელ X-ზე განაცხადა.

„ჩვენ ახლახან გავახანგრძლივეთ სანქციები რუსეთის წინააღმდეგ.

ამავდროულად, ჩვენ ვასრულებთ მუშაობას მე-19 პაკეტზე - განვიხილავთ რუსული ნავთობის გაყიდვებზე, ჩრდილოვან ნავთობტანკერებსა და ბანკებზე დამატებით შეზღუდვებს.

ჩვენ გავაგრძელებთ პუტინის ომისთვის ფულზე წვდომის შეწყვეტას“, - წერს კალასი.

აღსანიშნავია, რომ იმისათვის, რომ რუსეთის წინააღმდეგ სანქციები ყოველ 6 თვეში ერთხელ გაგრძელდეს, ამ გადაწყვეტილებას მხარი 27-ვე წევრმა ქვეყანამ უნდა დაუჭიროს.

We just extended our sanctions on Russia.

At the same time, we are finalising work on the 19th package – looking into additional curbs on Russian oil sales, shadow oil tankers, and banks.

We’ll keep choking off the cash for Putin’s war.

— Kaja Kallas (@kajakallas) September 12, 2025