იტალია ნოემბერში დაგეგმილი გაფიცვების სერიისთვის ემზადება. გაფიცვებში მატარებლების, მეტროს, ავტობუსების და აეროპორტების წარმომადგენლები მიიღებენ მონაწილეობას. ამის შესახებ fanpage.it იუწყება.

გაფიცვების შედეგად გართულდება საზოგადოებრივი ტრანსპორტით გადაადგილება და ავიამიმოსვლა.

9 ნოემბერს იტალიაში მატარებლების, Italo-ს თანამშრომელთა გაფიცვა იგეგმება. ასევე, 9 ნოემბერს გენუაში AMT-ს მატარებლების გაფიცვაა დაგეგმილი.

11 ნოემბერს იტალიის ტელესაკომუნიკაციო სექტორის თანამშრომელთა გაფიცვაა დაგეგმილი.

13 მილანს მილანში ჩატარდება ATM-ის თანამშრომელთა გაფიცვა. შესაძლებელია მეტროს, ტრამვაის და ავტობუსების მუშაობაში შეფერხება.

13 ნოემბერს ვენეციაში ATVO-ს ავტობუსების კომპანიის თანამშრომელთა გაფიცვა იგეგმება.

14 ნოემბერს ბარიში საქალაქო ტრანსპორტის, AMTAB-ის გაფიცვა იგეგმება.

22 ნოემბერს ჩატარდება მილანის აეროპორტის თანამშრომელთა გაფიცვა. ასევე, ვენეციის აეროპორტის თანამშრომლების გაფიცვაა დაგეგმილი.

23 ნოემბერს იტალიის ენერგეტიკული და კომუნალური კომპანიის, Iren-ის თანამშრომელთა გაფიცვა ჩატარდება.

გაფიცვა შეეხება სკოლებსა და უნივერსიტეტებს, სახელმწიფო უწყებებს, ჯანდაცვას, სარკინიგზო ტრანსპორტს, საქალაქო ავტობუსებს ტრამვაის და მეტროს.