1750442421
უცხოეთი
ისრაელის თავდაცვის ყოფილი მინისტრი ტრამპს მოუწოდებს, ირანის ფორდოს ბირთვულ ობიექტზე დარტყმით „საქმე დაასრულოს“
ისრაელის თავდაცვის ყოფილი მინისტრი იოავ გალანტი აშშ-ის პრეზიდენტ დონალდ ტრამპს მოუწოდებს, ირანის ფორდოს მიწისქვეშა ბირთვულ ობიექტზე დარტყმით „საქმე დაასრულოს“.
„ისრაელი გადამწყვეტად და შეუპოვრად მოძრაობდა და აგრძელებს მოძრაობას. მოკავშირეების, პირველ რიგში აშშ-ის, მხარდაჭერა გადამწყვეტი მნიშვნელობის იყო. ახლა თავისი შეუდარებელი სამხედრო ძალის ერთი გამოყენებით აშშ-ს შეუძლია, შეამციროს ომის ხანგრძლივობა, თავიდან აიცილოს უფრო ფართო ესკალაცია და აღმოფხვრას ახლო აღმოსავლეთის სტაბილურობისთვის მთავარი საფრთხე. მას ასევე შეუძლია, სიგნალი გაუგზავნოს იმ სხვა ავტორიტარულ ძალებს, რომლებიც ირანის ხელშემწყობები იყვნენ, რომ ამერიკული შემაკავებელი ძალა დაბრუნდა“, - წერს გალანტი გაზეთ The Times British Daily-ში მისი თანაავტორობით დაწერილ სტატიაში.
