1789051461
უცხოეთი
ისრაელის თავდაცვის ძალების ცნობით, „ჰამასის“ წევრი, რომელიც 7 ოქტომბერს ისრაელში შეიჭრა, საჰაერო დარტყმის შედეგად დაიღუპა
„ჰამასის“ ტერორისტი, რომელიც 2023 წლის 7 ოქტომბრის თავდასხმის დროს ისრაელში შეიჭრა და ნაჰალის ბრიგადის მეთაურის, პოლკოვნიკ ჯონათან სტეინბერგის მკვლელობაში იყო ჩართული, ამ კვირაში ღაზას სექტორში საჰაერო დარტყმის შედეგად დაიღუპა, - აცხადებს ისრაელის თავდაცვის ძალები.
ისრაელის თავდაცვის ძალების ცნობით, სამხრეთ ღაზას სექტორში, ხან-უნისში განხორციელებული დარტყმის შედეგად, „ჰამასის“ ელიტური დაჯგუფება „ნუხბას“ წევრი, ისმაილ იბრაჰიმ დარვიშ ქანდილი დაიღუპა.
ისრაელის თავდაცვის ძალების ცნობით, ბოლო დროს ის თავდასხმებს ახორციელებდა ჯარებსა და მშვიდობიან მოსახლეობაზე, ასევე, ცდილობდა „ჰამასის“ შესაძლებლობების აღდგენას.
„სისტემატურად არღვევდა ცეცხლის შეწყვეტის პირობებს“, - აცხადებს სამხედრო.
