ისრაელის თავდაცვის ძალებმა განაცხადეს, რომ ამ კვირაში ღაზას სექტორში საჰაერო დარტყმების შედეგად „ჰამასის“ კიდევ ორი ​​მეთაური მოკლეს.

მათივე ცნობით, ჩრდილოეთ ღაზაში განხორციელებული ერთ-ერთი დარტყმის შედეგად დაიღუპა ხალილ ჯამალ ხალილ მანა, რომელიც „ჰამასის“ იარაღის წარმოების დივიზიის მეთაური იყო.

სამხედროები აცხადებენ, რომ მანა ცდილობდა „ჰამასის“ შესაძლებლობების აღდგენას. 

ასევე, 9 ივლისის დარტყმამ იმსხვერპლა ოსამა ვალიდ დიბ მუჰარები, რომელიც „ჰამასის“ „ნუსეირატის“ ბატალიონის ასეულის მეთაური იყო. 

სამხედროების თქმით, მუჰარები „ინახავდა ასაფეთქებელ მოწყობილობებს, რომლებიც ისრაელის თავდაცვის ძალების ჯარების წინააღმდეგ უნდა გამოეყენებინათ“.

„ორივე ოპერატიული პირი საფრთხეს წარმოადგენდა ისრაელის თავდაცვის ძალებისთვის და შესაბამისად, დარტყმების სამიზნე გახდნენ“, - აცხადებენ ისრაელის თავდაცვის ძალებში.

ბოლო თვეების განმავლობაში ისრაელის თავდაცვის ძალებმა გააძლიერა თავდასხმები ღაზაში ტერორისტებზე, რადგან ისინი ისრაელის ძალებისთვის საფრთხეს წარმოადგენენ.