ისრაელის საგარეო საქმეთა მინისტრი გიდეონ საარი აცხადებს, რომ გმობს დასავლეთ სანაპიროს სოფელ ტაიბეში ევროპელ დიპლომატებზე დასახლებების მცხოვრებთა თავდასხმას, თუმცა წუხილს გამოთქვამს იმის გამო, რომ დელეგაციის ვიზიტი წინასწარ არ იყო შეთანხმებული ისრაელის თავდაცვის ძალებთან.

„პოლიციამ გამოძიება დაიწყო, ხოლო იუდეისა და სამარიის ოლქის კრიმინალისტები უკვე შემთხვევის ადგილზე იმყოფებიან და მტკიცებულებებს აგროვებენ. საგარეო საქმეთა სამინისტრო შესაბამისი ქვეყნების ელჩებთან კონტაქტზეა, რათა დაეხმაროს სამართალდამცავ ორგანოებს, რომლებიც თავდამსხმელების იდენტიფიცირებასა და მათთვის მართლმსაჯულების აღსრულებაზე მუშაობენ. სამწუხაროა, რომ ვიზიტი წინასწარ არ იყო შეთანხმებული ისრაელის თავდაცვის ძალებთან. ასეთ კოორდინაციას შეეძლო, სტუმრების უსაფრთხოების დაცვას დახმარებოდა“, - წერს საარი სოციალურ ქსელ X-ზე.

ხელისუფლების კრიტიკოსები მთავრობას ძალადობის შემწყნარებლობაში და მის წახალისებაშიც კი ადანაშაულებენ. ამ ძალადობის შედეგად ათობით პალესტინური ოჯახი იძულებული გახდა, საცხოვრებელი დაეტოვებინა.

პრემიერ-მინისტრი ბენიამინ ნეთანიაჰუ და მთავრობის სხვა მინისტრები მზარდ ძალადობას რეგულარულად წარმოაჩენენ, როგორც უმნიშვნელო პრობლემას. მათი მტკიცებით, ინციდენტების ყველა შემთხვევის უკან რამდენიმე ასეული დაუმორჩილებელი ახალგაზრდა დგას.

I strongly condemn the severe acts of violence by Israeli rioters in the area of Taybeh. A police investigation has been opened, and forensic investigators from the Judea and Samaria District are already at the scene collecting evidence. The Foreign Ministry is in contact with the ambassadors of the countries concerned in order to assist the law enforcement authorities, who are working to identify the attackers and bring them to justice. Without detracting from the severity of the incident, it is unfortunate that the visit was not coordinated with the IDF in advance. Such coordination could have helped safeguard the visitors’ security.

— Gideon Sa'ar | גדעון סער (@gidonsaar) October 17, 2026