ირანის შეიარაღებული ძალების წარმომადგენელი: თუ ესკალაცია გაგრძელდება, რეგიონი აშშ-სა და ისრაელისთვის ჯოჯოხეთად გადაიქცევა
ირანის შეიარაღებული ძალების კოორდინაციის უმაღლესი ოპერატიული სარდლობის წარმომადგენელი აშშ-სა და ისრაელს აფრთხილებს, რომ თუ ესკალაცია გაგრძელდება, მთელი რეგიონი მათთვის „ჯოჯოხეთად“ გადაიქცევა.
„მტრობა თუ გამწვავდება, მთელი რეგიონი თქვენთვის ჯოჯოხეთად გადაიქცევა; ირანის ისლამური რესპუბლიკის დამარცხების ილუზია გადაიქცევა ჭაობად, რომელშიც ჩაიძირებით“, - აცხადებს ირანის შეიარაღებული ძალების უმაღლესი ოპერატიული შტაბის წარმომადგენელი ებრაჰიმ ზოლფაღარი.
ამასთან, ხათამ ალ-ანბიას მეთაური, ალი აბდოლაჰი, იმუქრება, რომ „ჯოჯოხეთის კარიბჭე გაიღება“ აშშ-სა და ისრაელისთვის.
მათი კომენტარები მოჰყვა აშშ-ის პრეზიდენტის დონალდ ტრამპის განცხადებას, რომ ირანს 48 საათი აქვს შეთანხმების მისაღწევად ან ჰორმუზის სრუტის გასახსნელად, წინააღმდეგ შემთხვევაში ქვეყანას „ჯოჯოხეთი დაატყდება თავს“.
