ირანის საგარეო საქმეთა სამინისტრო აზერბაიჯანზე დრონებით თავდასხმას უარყოფს
ირანის საგარეო საქმეთა მინისტრის მოადგილემ ქაზემ ღარიბაბადიმ აზერბაიჯანულ მედიასთან ინტერვიუში უარყო ინფორმაცია, რომ ირანი აზერბაიჯანის ნახიჩევანის რეგიონში მდებარე აეროპორტს დრონებით თავს დაესხა.
მისი განცხადებით, ირანი თავს ესხმის მხოლოდ სამხედრო ბაზებს, რომლებსაც აშშ და ისრაელი თეირანზე შეტევების განსახორციელებლად იყენებენ.
„ჩვენ მეზობელ ქვეყნებს არ ვუმიზნებთ. ირანის პოლიტიკა მდგომარეობს იმაში, რომ ჩვენ ვუტევთ მხოლოდ მოწინააღმდეგის სამხედრო ბაზებს, აშშ-ისა და სიონისტური რეჟიმების ჩათვლით, რომლებიც მოქმედებენ რეგიონში და ირანის სამოქალაქო მოსახლეობაზე თავდასხმებს ახორციელებენ. ჩვენ თავიდანვე ვამბობდით, რომ თუ რეგიონში არსებული ბაზები ირანზე თავდასხმისთვის გამოიყენება, ჩვენ მათ თავს დავესხმებით. ასეთია ჩვენი პოლიტიკა“, - განაცხადა ირანის საგარეო საქმეთა მინისტრის მოადგილემ.
