ირანის პარლამენტის სპიკერი მოჰამედ ბაღერ ღალიბაფი გამოეხმაურა აშშ-ის პრეზიდენტის დონალდ ტრამპის გადაწყვეტილებას ჰორმუზის სრუტის გახსნის ოპერაციის - „პროექტ თავისუფლების“ შეჩერების შესახებ.

„ოპერაცია „მენდე, ძმაო“ ჩაიშალა. ახლა კი რუტინას დავუბრუნდეთ, ოპერაცია „ფალსიოსი“, – წერს ღალიბაფი.

Operation Trust Me Bro failed. Now back to routine with Operation Fauxios.

— محمدباقر قالیباف | MB Ghalibaf (@mb_ghalibaf) May 6, 2026

ცნობისთვის, მანამდე დონალდ ტრამპმა გამოაცხადა, რომ „პროექტი თავისუფლება“ - აშშ-ის ძალისხმევა, რომელიც მიზნად ისახავდა რეგიონში საერთაშორისო გადაზიდვების აღდგენას - „ხანმოკლე პერიოდით“ შეჩერდება, რათა ირანთან მოლაპარაკებები გააქტიურდეს.

ამავდროულად, ტრამპმა განაცხადა, რომ ირანის პორტების ბლოკადა „სრულად რჩება ძალაში“.

თუმცა NBC News-ი წერს, რომ ტრამპმა „პროექტი თავისუფლება“ მას შემდეგ შეაჩერა, რაც საუდის არაბეთმა შეერთებულ შტატებს სამხედრო ბაზებსა და საჰაერო სივრცეზე წვდომა შეუზღუდა.