1791992793
უცხოეთი
ირანი აცხადებს, რომ ჰორმუზის სრუტეში სატვირთო გემი საზღვაო ნაღმზე შეჯახების შედეგად ჩაიძირა
ირანის რევოლუციური გვარდიის კორპუსის საზღვაო ძალების განცხადებით, ჰორმუზის სრუტეში სატვირთო გემი საზღვაო ნაღმზე შეჯახების შედეგად ჩაიძირა. ეს პირველი შემთხვევაა, როდესაც ირანმა ომის პერიოდში ნაღმზე აფეთქების შედეგად გემის ჩაძირვის შესახებ განაცხადა.
გვარდიის განცხადებაში ნათქვამია, რომ გემი უკანონო და სახიფათო მარშრუტით მოძრაობდა, როდესაც ნაღმს შეეჯახა. ირანული მედიის ცნობით, აღნიშნულ გემს 2 500 კონტეინერი გადაჰქონდა.
ირანმა არაერთხელ გააფრთხილა გემები, რომ მისი ნებართვის გარეშე სრუტეში გავლას არ შეეცადონ. აშშ-ის სამხედრო ძალები გემებს სრუტეში ომანის სანაპიროსთან ახლოს მდებარე მარშრუტით ატარებენ.
