აშშ-ის რესპუბლიკელი სენატორი ლინდსი გრეჰემი რუსეთის ყოფილი პრეზიდენტის დმიტრი მედვედევის მუქარას გამოეხმაურა და რუსები შესაძლო ესკალაციის შესახებ გააფრთხილა.

როგორც გრეჰემმა სოციალურ ქსელ X-ზე განაცხადა, აშშ-ის პრეზიდენტი დონალდ ტრამპი კონფლიქტისკენ მიმართული არ არის, თუმცა, საჭიროების შემთხვევაში, გადამწყვეტი ზომების მისაღებად მზადაა.

„ჩემს მეგობრებს რუსეთში: პრეზიდენტი ტრამპი მშვიდობას ეძებს და არა კონფლიქტს. თუმცა, გთხოვთ, გაიგოთ, რომ ის არც ობამაა, არც ბაიდენი და მასთან ხუმრობა არ შეიძლება. თქვენ ზედმეტად ბევრს თამაშობთ“, - წერს გრეჰემი.

ცნობისთვის, აშშ-ის პრეზიდენტმა დონალდ ტრამპმა განაცხადა, რომ შეერთებული შტატები რუსეთთან პოტენციური ბირთვული ომისთვის „სრულიად მზადაა“. 

To my friends in Russia:

President Trump seeks peace not conflict. However, please understand that he is not Obama, he is not Biden, and he will not be trifled with.

You are overplaying your hand. pic.twitter.com/3pDDg3EINz

— Lindsey Graham (@LindseyGrahamSC) August 1, 2025