გერმანიაში ჰამბურგის რეგიონულმა სასამართლომ ორ მამაკაცს რუსეთისთვის დრონების კომპონენტების მიწოდების ბრალდებით პატიმრობა მიუსაჯა.

სასამართლოს ცნობით, ისინი საგარეო ვაჭრობის შესახებ კანონის სისხლის სამართლის და კომერციული დარღვევებისთვის ათ საქმეში დამნაშავედ ცნეს.

მთავარ ბრალდებულს ექვსი წლითა და ცხრა თვით თავისუფლების აღკვეთა მიესაჯა, ხოლო თანაბრალდებულს - სამი წლითა და ექვსი თვით. ორივეს მათგანის წინააღმდეგ გადაწყდა შემოსავლების კონფისკაცია, რაც ჯამში 63,600 ევროს შეადგენს.

პასუხისმგებელმა პალატამ დაადასტურა, რომ 2022 წლის სექტემბრიდან 2023 წლის ნოემბრამდე ორივე მამაკაცმა რუსეთს თითქმის 1.2 მილიონი ევროს ღირებულების ელექტრო კომპონენტები მიაწოდა, რომლებიც შესაძლოა, სამხედრო დრონების ასაგებად გამოეყენებინათ.

ამით ისინი განზრახ უგულებელყოფდნენ ევროკავშირის ემბარგოს შესაბამის ზომებს. მათ შორის იყო დიოდები, მიკროჩიპები და ტრანზისტორები, რომლებიც ასევე გამოიყენება სამხედრო დრონების კონსტრუქციაში.