ევროკავშირის ქვეყნებში, კერძოდ, ესპანეთში, პორტუგალიასა და საფრანგეთში ელექტროენერგიის მასშტაბური გათიშვა კიბერშეტევით არ არის გამოწვეული. ამის შესახებ ევროპული საბჭოს პრეზიდენტმა ანტონიო კოშტამ სოციალურ ქსელ X-ზე განაცხადა.

კოშტამ აღნიშნა, რომ ის კონტაქტზეა იმ ქვეყნების ხელმძღვანელობასთან, სადაც ელექტროენერგიის გათიშვა მოხდა და მოვლენებში კიბერშეტევის რაიმე ნიშანს ვერ ხედავს.

„კონტაქტზე ვარ ესპანეთის პრემიერ-მინისტრ პედრო სანჩესთან და პორტუგალიის პრემიერ-მინისტრ ლუის მონტენეგროსთან ესპანეთსა და პორტუგალიაში დღეს ელექტროენერგიის მასშტაბურ გათიშვასთან დაკავშირებით“, - განაცხადა ევროპული საბჭოს პრეზიდენტმა.

„ამ ეტაპზე კიბერშეტევის ნიშნები არ არსებობს“, - ხაზგასმით აღნიშნა ანტონიო კოშტამ.

მისივე თქმით, „ორივე ქვეყნის ელექტროქსელის ოპერატორები მიზეზის დასადგენად და ელექტროენერგიის მიწოდების აღსადგენად მუშაობენ“.

ცნობისთვის, ევროპის დასავლეთ ნაწილში, კერძოდ, პორტუგალიაში, ესპანეთსა და საფრანგეთის რამდენიმე რეგიონში დენის მიწოდება შეწყდა. 

I am in touch with @sanchezcastejon and @LMontenegro_PT about the widespread power outages in Spain and Portugal today.

Grid operators in both countries are working on finding the cause, and on restoring the electricity supply.

At this point, there are no indications of any…

— António Costa (@eucopresident) April 28, 2025