ევროკავშირმა ირანის „ისლამური რევოლუციის გუშაგთა კორპუსი“ ტერორისტულ ორგანიზაციად გამოაცხადა
ევროკავშირის საგარეო საქმეთა მინისტრები შეთანხმდნენ, რომ ირანის ისლამური რევოლუციის გუშაგთა კორპუსი (IRGC) ტერორისტული ორგანიზაციების სიაში შეიყვანონ - ამის შესახებ ევროკავშირის უმაღლესი წარმომადგენელი საგარეო საქმეთა და უსაფრთხოების პოლიტიკის საკითხებში კაია კალასი წერს.
„ევროკავშირის საგარეო საქმეთა მინისტრებმა ახლახან გადადგეს გადამწყვეტი ნაბიჯი და ირანის ისლამური რევოლუციის გუშაგთა კორპუსი ტერორისტულ ორგანიზაციად გამოაცხადეს. ნებისმიერი რეჟიმი, რომელიც ათასობით საკუთარ მოქალაქეს კლავს, საკუთარი აღსასრულისკენ ისწრაფვის“, - აცხადებს კალასი.
Repression cannot go unanswered.
— Kaja Kallas (@kajakallas) January 29, 2026
EU Foreign Ministers just took the decisive step of designating Iran’s Revolutionary Guard as a terrorist organisation.
Any regime that kills thousands of its own people is working toward its own demise.
