უკრაინის საგარეო საქმეთა მინისტრი ანდრეი სიბიგა ევროკავშირში გაწევრიანებასთან დაკავშირებით უნგრეთის პრემიერ-მინისტრის ვიქტორ ორბანის განცხადებას გამოეხმაურა. 

კერძოდ, ორბანმა განაცხადა, რომ, მისი აზრით, მომდევნო 100 წლის განმავლობაში უნგრეთში არ იქნება პარლამენტი, რომელიც უკრაინის ევროკავშირში გაწევრიანებას მხარს დაუჭერს.

„ეს გეგმა წარუმატებლობისთვისაა განწირული, ბატონო პრემიერ-მინისტრო. თქვენი ბატონი მოსკოვში 100 წელი ვერ იცოცხლებს, მაშინაც კი, თუ მზად იქნებით, მას ყველა ორგანო მისცეთ. იმ დღეს, როდესაც უკრაინა ევროკავშირში გაწევრიანდება, ჩვენ ამ სათაურს უკრაინის უმაღლეს რადაში გამოვაქვეყნებთ, რათა თქვენი ტყუილები მომდევნო 100 წლის განმავლობაში გვახსოვდეს“, – დაწერა სიბიგამ X-ზე.

This plan is doomed to fail, Mr. Prime Minister. Your master in Moscow won’t last 100 years even if you were ready to donate him all organs. And on the day Ukraine joins the EU, we will frame this headline in @ua_parliament to remember your lies for the next 100 years. https://t.co/vlMbbjWT2F

— Andrii Sybiha 🇺🇦 (@andrii_sybiha) January 23, 2026