1731227252
უცხოეთი
დონალდ ტრამპმა ყველა ე.წ. მერყევ შტატში თავისი კონკურენტი კამალა ჰარისი დაამარცხა
აშშ-ის ახლად არჩეულმა პრეზიდენტმა, დონალდ ტრამპმა არიზონის შტატში ხმების უმრავლესობა მიიღო, რითაც მან ყველა ე.წ. მერყევ შტატში თავისი კონკურენტი „დემოკრატი“ კამალა ჰარისი დაამარცხა. აღნიშნულის შესახებ ინფორმაციას სააგენტო AP-ი ავრცელებს.
არიზონის შტატში გამარჯვებით, დონალდ ტრამპმა დამატებით 11 საარჩევნო ხმა მიიღო და საარჩევნო კოლეგიაში 312 საარჩევნო ხმა დააგროვა.
დონალდ ტრამპის გამარჯვების შესახებ ცნობილი გახდა 6 ნოემბრის არჩევნების შემდგომ ღამეს.
მეორე დღეს კამალა ჰარისმა დამარცხება აღიარა და ტრამპს გამარჯვება მიულოცა.
აშშ-ის პრეზიდენტი ჯო ბაიდენი მომავალ კვირას ოვალურ კაბინეტში არჩეულ პრეზიდენტ დონალდ ტრამპს ძალაუფლების გადაცემის ფარგლებში შეხვდება.
