1789466120
უცხოეთი
დონალდ ტრამპის წარმომადგენელი ბელარუსში ლუკაშენკოსთან მოლაპარაკებებისთვის ჩავიდა
ბელარუსის საკითხებში აშშ-ის პრეზიდენტის სპეციალური წარმომადგენელი ჯონ კოული მინსკში ჩავიდა. ამის შესახებ სააგენტო BELTA იტყობინება.
მინსკში კოულმა მოლაპარაკებები გამართა ბელარუსის ლიდერ ალექსანდრე ლუკაშენკოსთან.
ბელარუსის მხარის ოფიციალური განცხადების თანახმად, მოლაპარაკებებში ასევე მონაწილეობენ პრემიერ-მინისტრი ალექსანდრე ტურჩინი, ბელარუსის სახელმწიფო უსაფრთხოების კომიტეტის თავმჯდომარე ივან ტერტელი და ბელარუსის მუდმივი წარმომადგენელი გაეროში ვალენტინ რიბაკოვი.
მოლაპარაკებების დროს კოულმა მასპინძლებს აშშ-ის პრეზიდენტ დონალდ ტრამპისგან მოკითხვა გადასცა.
„ის [ტრამპი] მტკიცედ უჭერს მხარს ყველაფერს, რასაც ჩვენ ვაკეთებთ“, - აღნიშნა მან.
