1778878473
უცხოეთი
დონალდ ტრამპის განცხადებით, ჩრდილოეთ კორეის ლიდერთან კიმ ჩენ ინთან ძალიან კარგი ურთიერთობა აქვს
აშშ-ის პრეზიდენტის დონალდ ტრამპის განცხადებით, ჩრდილოეთ კორეის ლიდერთან კიმ ჩენ ინთან „ძალიან კარგი“ ურთიერთობა აქვს.
„იცით, კიმ ჩენ ინთან ძალიან კარგი ურთიერთობა მაქვს, საკმაოდ მშვიდი“, – განუცხადა ტრამპმა ჟურნალისტებს ჩინეთიდან დაბრუნებისას Air Force One-ის ბორტზე.
კითხვაზე, ჰქონდა თუ არა მასთან რაიმე კომუნიკაცია, ტრამპმა უპასუხა: „დიახ“.
ამასთან, ტრამპს კითხვა დაუსვეს, რამდენჯერ ისაუბრეს მან და კიმ ჩენ ინმა, რაზეც ტრამპმა უპასუხა: „არ აქვს მნიშვნელობა, ამას არ გეტყვით“.
„ის ჩვენი ქვეყნის მიმართ პატივისცემით იყო განწყობილი. მეც მინდა, რომ გამოხატოს პატივისცემა“, – განაცხადა დონალდ ტრამპმა.
დონალდ ტრამპმა ჟურნალისტებს ასევე განუცხადა, რომ პეკინში ვიზიტის დროს ჩრდილოეთ კორეის საკითხი განიხილა ჩინეთის პრეზიდენტ სი ძინპინთან.
