აშშ-ის პრეზიდენტი დონალდ ტრამპი სოციალურ ქსელში წერს, რომ დღეს ირანზე ძალიან მძიმე დარტყმები განხორციელდება.

მისი თქმით, „ირანი აღარ არის „ახლო აღმოსავლეთის მჩაგვრელი“, არამედ „ახლო აღმოსავლეთში დამარცხებულია“ და ასეთად დარჩება მრავალი ათწლეულის განმავლობაში, ვიდრე არ დანებდება, ან სრულად არ ჩამოიშლება“.

„ირანმა, რომელიც მძიმე მარცხს განიცდის, ბოდიში მოიხადა და ახლო აღმოსავლეთში თავის მეზობლებს დანებდა. მან პირობა დადო, რომ მათ აღარ დაარტყამს. ეს პირობა მხოლოდ აშშ-ისა და ისრაელის დაუნდობელი თავდასხმების გამო დადო. მათ ახლო აღმოსავლეთზე კონტროლის დამყარება და მისი მართვა სურდათ. ეს ათასწლეულების განმავლობაში პირველი შემთხვევაა, როდესაც ირანი ახლო აღმოსავლეთის ქვეყნებთან დამარცხდა.

დღეს ირანს ძალიან მძიმე დარტყმა მიადგება! ირანის ცუდი მოქცევის გამო, სრული განადგურება და გარდაუვალი სიკვდილი ემუქრებათ ისეთ ტერიტორიებსა და ადამიანების ჯგუფებს, რომლებიც აქამდე სამიზნეებად არ განიხილებოდნენ“, - წერს ტრამპი.