დონალდ ტრამპი აშშ-ის თავდაცვის ბიუჯეტს რეკორდულ 1 ტრილიონ დოლარამდე ზრდის
თეთრი სახლის ლიდერი დონალდ ტრამპი 2026 წლის ბიუჯეტში შიდა სამთავრობო პროგრამების დაფინანსების მკვეთრად შემცირებას და თავდაცვის ხარჯების რეკორდულ 1 ტრილიონ დოლარამდე გაზრდას გეგმავს. აღნიშნულის შესახებ „ბლუმბერგი“ იტყობინება.
როგორც ტრამპის ადმინისტრაციაში აცხადებენ, ბიუჯეტის 12%-იანი მატება, მიზნად ისახავს აშშ-ის გლობალური პოზიციის განმტკიცებას, განსაკუთრებით სამხედრო ძლევამოსილების მიმართულებით.
უცხოური მედია წერს, რომ თავდაცვის ბიუჯეტი მოიცავს „ოქროს გუმბათის“ რაკეტსაწინააღმდეგო თავდაცვის სისტემის, გემთმშენებლობის, ბირთვული მოდერნიზაციის, საზღვრის უსაფრთხოების დაფინანსებას და სამხედროებისთვის ხელფასების 3.8%-ით გაზრდას.
„ჩვენ ბევრ ფულს ვზოგავთ, მაგრამ არმია უნდა გავაძლიეროთ, რადგან ჩვენს ირგვლივ ბევრი ბოროტი ძალაა“, - აღნიშნა ტრამპმა.
