1757508711
უცხოეთი
დმიტრი პესკოვი: ევროკავშირისა და ნატოს ხელმძღვანელობა რუსეთს პროვოკაციების მოწყობაში ყოველდღიურად ადანაშაულებს
ევროკავშირისა და ნატოს ხელმძღვანელობა რუსეთს პროვოკაციების მოწყობაში ყოველდღიურად ადანაშაულებს, - ასე გამოეხმაურა კრემლის პრესსპიკერი დმიტრი პესკოვი პოლონეთის პრემიერ-მინისტრის, დონალდ ტუსკის განცხადებას იმის შესახებ, რომ რუსული დრონები ქვეყნის საჰაერო სივრცეში შეიჭრნენ.
„ევროკავშირისა და ნატოს ხელმძღვანელობა ყოველდღიურად ადანაშაულებს რუსეთს პროვოკაციებში. ხშირად არც კი ცდილობს რამე არგუმენტაციის წარმოდგენას“, - აღნიშნა პესკოვმა.
ცნობისთვის, პოლონეთის პრემიერ-მინისტრმა განაცხადა, რომ 10 სექტემბერს ღამით რუსული დრონები პირველად ჩამოაგდეს ნატოს წევრი ქვეყნის ტერიტორიაზე, თუმცა პანიკის საფუძველი არ არსებობს.
